मुंबई चौफेर टेक I ३० नोव्हेंबर २०२२ Iभारतातील तिसरी सर्वात मोठी दूरसंचार सेवा प्रदाता कंपनी व्होडाफोन आयडीया लवकरच ग्राहकांसाठी अतिरिक्त डेटा ऑफर समाप्त करणार आहे. याप्रमाणे, कंपनीने प्रोत्साहन म्हणून ही अतिरिक्त डेटा ऑफर दिली होती.
कंपनी आपल्या प्रीपेड प्लान्ससह भरपूर डेटा फायदे ऑफर करण्यासाठी ओळखली जाते आणि ही अतिरिक्त डेटा ऑफर कंपनीने 15 नोव्हेंबर ते 30 नोव्हेंबर 2022 दरम्यान रिचार्ज करणाऱ्या वापरकर्त्यांसाठी जाहीर केली होती.
सध्या अतिरिक्त डेटा देणारे प्लान 1449 रुपये, 2899 रुपये आणि 3099 रुपयांमध्ये उपलब्ध आहेत. ही ऑफर 30 नोव्हेंबर नंतर उपलब्ध होणार नाही. Vodafone Idea चा Rs 1449 प्लान एकूण 180 दिवसांच्या वैधतेसह येतो, तर Rs 2899 आणि Rs 3099 च्या इतर दोन प्लानची एकूण वैधता 365 दिवसांची आहे.
1449 रुपयांच्या प्लानमध्ये, वापरकर्त्यांना अमर्यादित व्हॉइस कॉल, 100 SMS/दिवस आणि 1.5GB दैनिक डेटा मिळतो. हा प्लान ग्राहकांना Hero Unlimited Benefits आणि Vi Movies & TV VIP देखील देते. या कंपनीचा हा प्लान 180 दिवसांच्या वैधतेसह येतो.